This site uses cookies in order to regularly improve the operation of the site. You declare that you agree herewith by using this website. Further information

OK
MITOLOGIA ED ISTORGIA

ILS DRUIDS GALLICS E LA RACOLTA DA VISTGAS

Ina perditga classica per l'impurtanza da la vistga è il rapport da l'istoricher natiral roman Plinius (23–79 s.C.) che descriva en sia istorgia natirala co ch'ils druids gallics aduravan la vistga.

Nagut auter n'è uschè impurtant per ils druids – uschia numnan els lur sacerdots – sco la vistga e la planta, sin la quala ella crescha, surtut sch'igl è in ruver tardiv. Els tschertgan guaudets da ruvers tardivs e na fan nagin act d'unfrenda senza duvrar sia feglia, uschia ch'ins pudess crair che lur num derivia dal grec (drys, il ruver). Els considereschan tut quai che crescha sin il ruver sco dun da tschiel e la planta sezza sco elegida da la voluntad divina. Vistgas creschan però fitg darar sin ruvers. Sch'ins las chatta però, è la racolta ina festivitad. Racoltà vegn cunzunt il sisavel di suenter glina nova. Per ils druids gallics cumenza quel di il mais e l'onn nov. En pli marca el ina perioda da 30 onns. Quel di saja la glina gia ferma avunda, malgrà ch'ella n'haja anc betg cuntanschì la mesadad da sia grondezza. «Remedi universal» – uschia numnan els la vistga. Suenter avair preparà sut la planta las unfrendas ed ina tschavera tenor l'act cultic, mainan els natiers dus taurs alvs ed orneschan lur cornas cun tschupels. Il sacerdot vestgì en alv raiva sin la planta e taglia giu la vistga cun ina farcla d'aur. Ins la piglia cun ina taila alva, avant ch'ella croda per terra. Suenter mazzan els ils animals d'unfrenda e supplitgeschan lur dieu d'esser buntadaivel cun quels, als quals els han regalà la vistga. Maschadada en ina bavronda duai ella far fertils tut ils animals ed esser in remedi cunter tut ils tissis.


Funtuana: C. Plinius Secundus d. Ae: Naturalis historia. Lib. XVI, chap. 95. Translatada en tudestg da Karl von Tubeuf en: Monographie der Mistel. Chasa editura Oldenbourg, Minca Berlin 1923; p. 19.

You are leaving the website of Iscador AG

You are leaving the website of Iscador AG and are going to the website of another provider. The contents published there as well as their designs have been created without the assistance of Iscador AG and are subject to the exclusive responsibility of the other provider. Iscador AG shall not assume any liability for the accuracy, completeness and actuality of this information and possible consequences from their use. You accept the aforementioned information by continuing on to the external page.